政情：鄉議局大嘥 三千盒月餅派唔晒
潮流興惜食，但在剛過去的中秋節，鄉議局就訂購了三千盒月餅送給廿七個鄉事委員會委員及職員，但可能鄉事派人多勢眾，預不到準確派發數量，以致至今仍然未派完，似足大嘥鬼！不過，局方就計劃本月底將剩餘七十八盒月餅送到慈善機構，雖然中秋節過咗三星期，但月餅未過期o架，對長者真係有心！
侯志強認叻「辦事能力高」
購入月餅一事由鄉議局執委、上水鄉委會主席侯志強（侯強）負責，佢話上月中開執委會時才落實送月餅，一個星期時間就要購入三千盒月餅都唔容易，所以任何牌子都要大手入貨，仲讚自己話：「我辦事能力係咪好高呢？」講到月餅派唔完會浪費食物，侯強就話二十七鄉各分配一百盒，合共二千七百盒，加上鄉議局職員，齊頭買三千盒差不多了。
早前傳出鄉事派有意組黨，但部分鄉議局成員身兼其他黨黨員，將出現雙重黨籍問題，侯強認為要代表鄉事派就要退出其他黨派。不過，本身是民建聯成員的鄉議局副主席張學明則指，退黨一事到時才考慮。