中環出更:學聯樹根化 「唇寒齒亡」淪笑柄

立法會議員鍾樹根嘅自創成語真係聞名天下,曾經將「子虛烏有」講錯為「子烏虛有」,又將「明目張膽」講成「明張目膽」,更加自創「雞毛鴨蒜」,至今仍是網民熱話。想不到,學聯成員嘅中文水平亦與樹根不相伯仲,竟然錯將成語「唇亡齒寒」寫成「唇寒齒亡」印在宣傳品上,更有學生影相上網,恥笑是「學界鍾樹根」,成為網上笑柄!

易拉架大大隻字獻醜

據了解,一向與香港大學關係密切嘅中文大學,計劃在下周一舉行議政大會,討論學界就港大校委會事件嘅後續行動,更以易拉架宣傳。近日有人在社交網絡專頁「CUHK Secrets」貼文,指經過學校餐廳,發現學聯個易拉架寫住大大隻「大專學界唇寒齒亡」,令他「當堂嚇一跳,然後得啖笑」,更將學聯是比喻成經常「創作」新四字成語嘅立法會議員鍾樹根!

網友紛紛留言,稱這是「Tree-gun-lization現象」,亦笑稱是「此乃子烏虛有指控」,亦有好心網友留言解釋「唇亡齒寒」的真正來源和用意。不過,有網友就反指「笑甚麼,畜生,你也是學聯會員。」似乎暗指中大退聯失敗之事。

卓妮

第一手消息請下載on.cc東網iPhone/iPad/Android/Windows Phone Apps