尋日西貢受暴雨突襲，一個鐘內錄得超過一百毫米雨量，造成多處水浸，搞到當區居民紛紛質疑天文台，點解無暴雨警告。前天文台長林超英（黑英）就喺個人網誌圖文並茂咁為市民解畫。佢指出尋日雨區狹窄，唔符合發出暴雨警告嘅「廣泛地區」前提。佢又分析西貢呢場大雨原因，仲提醒市民秋天係冷暖氣交鋒時候，同春天一樣會有局部地區性大雨，行山客特別唔好掉以輕心。黑英離任多年，竟然仲咁緊貼氣象新聞，唔通佢忘記咗自己已經退咗休？
