雜物掛燈柱 威脅途人
「唔知係咪啲人貪方便掛啲水桶、毛巾喺啲柱度，可能會跌落嚟砸親人或者飛出馬路！如果有啲嘢太重仲可能會整冧條柱！」張先生最近經過香港仔東勝道時，發現有路牌牌柱及路燈燈柱被掛上物件，認為會影響途人及道路安全，希望部門多加巡查。
市民促多加巡查
路政署發言人表示，派員實地視察後，發現上址的路牌牌柱及路燈燈柱被掛上及設置小量物件，惟有關情況對整體結構並無影響，而其後該署人員再次巡查時，發現部分物件已被移除。發言人補充，處理公共道路設施上擅自掛上或設置物件一事，不屬該署職權範疇，已將有關事項轉介相關部門跟進。
「雖然話對整體結構冇影響，但始終呢啲設施唔係畀人掛嘢，希望部門巡查嗰陣可以留意多啲，嚴重嘅話就貼啲告示提醒市民！」張先生建議有關部門多加注意相關情況，以確保設施不會被損毀。