水務署前日發表鉛水事件調查結果，指水喉焊接物料含鉛為「鉛兇」，但事件肯定唔會就此完結，受影響住戶勢會向政府索償，政黨亦會喺立法會復會後要求相關官員問責。到尋日香港落起黃雨，持續唔算耐，雨勢唔算太勁，但九龍東居然都出現嚴重水浸，彩虹道更淪為「彩虹河」，矛頭直指渠務署，相信又有官員要孭鑊。水務署及渠務署都係由發展局管理嘅，而兩單嘢都同水有關，唔通該局局長陳茂波五行忌水？
