政情：公民講場：港大秘捐人 「明」唔話你知

港大校務委員會將於下周二表決副校長候選人任命，對於捐款醜聞，一方面主角之一嘅佔中發起人戴耀廷已收到校委會嘅懲處信，但另一方面，另一佔中發起人朱耀明尋日就首度開腔透露，話當日有人希望透過捐款支持民主運動，而捐款人交由佢去決定以咩名義捐款，佢最終決定以自身名義捐出。至於捐款人真正身份，朱耀明話已簽保密協議，堅拒透露對方姓名，認真神秘。戴耀廷已受到校方處分，睇嚟朱耀明更加守口如瓶，唔使披露捐款人身份。