今日凌晨美國議息結果備受全球關注，本港資金會否流走？樓市會否開始逆轉？唔止投資界人士金睛火眼 (目及) 實，連網民都好關注，仲興起估結果嘅熱潮。不過，財經事務及庫務局局長陳家強就闊佬懶理，尋日佢接受訪問時話，晚上佢會瞓覺，唔會等聯儲局宣布。佢仲話如果加息一定會發生走資情況，但香港唔使過分擔心，因為早前已有好多資金流入喎！照佢咁講，資金曾經流入就唔使驚流走，咁樓價試過上升就唔使驚下跌喇！以此類推，仲有乜嘢好驚？
