政情：黃傑龍訪丹麥豬場開眼界
生牛肉就食得多，生豬肉你又食過未？叙福樓集團執董黃傑龍（Simon）前排去丹麥參觀養豬場，大開眼界。佢話豬場大部分工序都自動化，好似豬糧嘅分量都係經電腦按豬隻健康狀況計算，而且啲豬仲係無菌，所以當地人會食生豬肉，完全唔驚有蟲喎！
Simon話，當地啲豬係人工受孕，因此大大降低豬隻患傳染病嘅機率，而且有病要睇醫生後先可以食抗生素，仲跟足人類咁要食晒成個療程。Simon見丹麥人食得咁放心，決定引入旗下食肆，但就會煮熟先食。
五萬隻豬只需五人打理
Simon發現丹麥豬場好勁，養成五萬隻豬只需五名員工打理，亦有雞場連劏雞都電腦化，由藍光催眠、電暈、放血到斬件，全部自動化，令人嘆為觀止。