學粵劇鍛煉堅毅 戒「港孩」陋習
【記者馮穎瑜報道】家長溺愛子女導致「港孩」氾濫，有另類港媽不想女兒變「港孩」，自小就安排她們學習粵劇，每周接受三小時壓腿拉筋、打觔斗、耍槍及唸台詞等特訓，令其明白「做人唔可以怕辛苦，要堅持」的道理，成功令害羞的稚女即使臨場「嘔到七彩」情況下，亦能「抹吓嘴」繼續上台，蛻變成一個有承擔、懂分享及體貼家人的乖孩子。粵劇工作者指，時下港童「唔輸得、唔話得、唔捱得」，學習粵劇可以幫助培訓兒童德育及自信心，令心智能夠全面發展。
踏進排練室，倫紫暄、黃卓嵐及葉慧淇隨着音樂，熟練地擺出步法做手，邊做邊唱，又多次在地上示範「滾地堂」，過程中不斷被旁邊的導師訓示：「腰挺正啲，手擺高啲，畀啲力啦」，完成半小時表演後，這些小朋友仍能精神抖擻地說：「唔辛苦！」
卓嵐的母親黃太有別於一般「怪獸家長」，當年決定讓卓嵐學習粵劇，並非為考取證書報讀名校，而是希望鍛煉膽小的女兒變得有自信，更重要是讓卓嵐從「唱做唸打」這四種粵劇基本功夫中學會堅持和堅毅，「因為一個小小嘅表演都要排練幾個星期至幾個月，好考小朋友耐性」。
自信有承擔 嬌氣減懂分享
三年的學習過程，黃太看到女兒成長，「有承擔咗，會自動自覺去溫書。又唔會咁容易發脾氣，之前佢會較自我，會收埋自己啲玩具，但依家會諗吓其他人，識得同人分享」。
另一名向「港孩」說不的，還有五年前舉家從美國回流香港的葉太，「唔想個女咁嬌生慣養，知道教粵劇嘅老師會好嚴厲，一定要小朋友捱，做到（要求）為止。」葉太指，女兒慧淇現時已學藝三年，嬌氣漸褪，「以前會好容易扭計，好似扭抱、扭玩具、扭要電話咁，但依家一啲都無」。
教導卓嵐、慧淇粵劇的查篤撐兒童粵劇協會藝團總監馬曼霞稱，時下港童「唔輸得、唔話得、唔捱得」，故教學時會經常「洗腦式」 灌輸不怕辛苦的概念予學生。她認為，學習粵劇有助「港孩」戒除陋習，培訓心智。