西灣河：貨車違泊阻巴士埋站

「好多條巴士線喺呢度停，但係啲貨車成日泊晒喺路邊，擋住個站頭，搞到啲巴士要喺隔籬線排隊等埋站，咁就塞住兩條線！」西灣河居民張先生指，筲箕灣道太安樓巴士分站外經常有車輛違例停泊，有礙車流暢通之餘，亦令市民不便，「有時啲巴士司機寧願未埋正個站就上落客，試過睇唔到而差啲走車。」

警方發言人證實，過去一年共接獲十三宗相關投訴，期間共向違例司機發出六張定額罰款告票。發言人承諾會繼續留意涉事路段及採取交通管制措施，以保障市民安全。

張先生認為執法數字偏低，難起阻嚇作用，促請警方日後多加巡邏，避免在繁忙時段再度出現同樣情況，「好多地舖都貪方便，喺路邊落完貨就直接送入舖頭，但係呢條係主要通道，警方真係要睇緊啲！」