高鐵超支仲未解決，政府遲啲就要上立法會交代進展及申請追加撥款。立法會交通事務委員會主席田北辰尋日出席電台節目時話，曾經透過前九廣鐵路總裁詹伯樂做中間人，提醒港鐵唔好將立法會當作提款機，又話有信心高鐵造價八百五十三億元唔會再上升。講就咁講，重點係已經超支嘅二百幾億元，港鐵要承擔幾多？納稅人會唔會又變成冤大頭？
