上環：馬路擺貨 恐釀意外
「每日都放幾板貨出嚟，好似當正條街係臨時貨倉咁，快、慢線都霸晒，咁不如（政府）批埋條路畀佢，正正經經收番（佢）租好過啦！」上環居民陳先生不時行經干諾道西，發現有商戶經常在馬路上存放貨物，擔心終有一日釀成意外，「啲人要喺馬路中心搬貨，啲板又疊到咁高，會唔會見唔到有車駛緊過嚟？」
警方：轉介食署跟進阻街
警方發言人表示，於過去一年曾接獲三宗有關投訴，並派員到涉事路段採取執法行動，期間共發出兩次口頭警告。發言人承諾會密切留意有關情況，而就貨物阻街一事則轉介至食環署跟進。
陳先生直指現時店舖霸佔馬路的情況仍然日復如是，認為警方需向違規人士發出告票，以收阻嚇之效，「就算罰錢，可能佢都預咗當係交租，何況你淨係口頭警告吓就算，佢咪更加當係耳邊風囉！」