港澳辦副主任馮巍早前來港與民主黨多名高層秘密會面，討論包括香港政改等議題。但其他泛民黨派、包括與民主黨並列立法會第一大黨嘅公民黨，以至一○年與民主黨一樣有入過中聯辦嘅民協，都冇收到類似邀請。全國港澳研究會副會長劉兆佳尋日喺電台表示，今次會面反映中央希望民主黨成為「忠誠反對派」，喺一國兩制同《基本法》等大原則下求同存異，繼續溝通。如果佳叔冇講錯，咁冇份見面嘅公民黨等其他泛民黨派，莫非已被中央定性為「奸詐反對派」？
