前律政司刑事檢控專員江樂士尋日喺報章撰文，質疑裁判法院案件定罪率近年不斷下滑，情況令人擔憂。律政司司長袁國強就否認檢控水平下滑，強調以定罪率來衡量檢控水平唔合邏輯。即使唔用定罪率來衡量檢控水平，但律政司在處理案件及檢控速度方面，實在予人感覺有下滑趨勢，好似處理有關佔領行動、「貪曾」前特首曾蔭權爵士的貪腐案、壹傳媒集團前主席黎智英秘密捐款予泛民人士及組織等案件，作出檢控決定少則一年，慢則三年或更長時間，究竟係想放生涉事者吖？抑或係受壓力唔敢檢控呢？
