政情：爆粗鬧狗殺手 克勤話「合適」

區議會選舉臨近，明年又到立法會選舉，不少政黨為了爭取選票都可以去得好盡，就連民建聯立法會議員陳克勤都「爆粗」！克勤尋日凌晨在社交網站上載一篇報道，指元朗有狗隻疑被虐殺，未知一向關注動物權益嘅克勤係咪太上心，留言鬧爆狗殺手「真係好×街，你夜晚睏瞓得着咩？你有報應的！」睇嚟佢大動肝火，仲表明會要求「一哥」警務處處長處理案件。克勤就話，覺得虐殺狗隻「實在太過分」，先至留言「爆粗」，坦言自己平時「冇乜火」，但今次好離譜、變態，聲言有關留言係合適喎。