政情：羅少雄 李豐年 唔憂樓市大跌

買藍籌股求穩陣

羅少雄話，香港「磚頭」一向都有價值，因為幾百萬人喺一塊彈丸之地生活，論供求關係已經注定樓價好難下調。加上政府嘅財政收入依賴土地拍賣或樓宇交易嘅印花稅收，所以政府係唔願意見到樓價大跌。對於近日有屋苑錄得成交價急跌，羅少雄估計係賣方等錢使，而呢種大幅折讓嘅情況可能只屬曇花一現。至於樓市以外嘅投資，羅少雄話要穩陣，股票就梗係買藍籌喇！

李豐年就話，由於睇唔通較早前股市因咩大升，於是由四月份開始「持盈保泰」止賺，以致今次大冧市中無甚損失。李豐年都認同羅少雄所講，「磚頭」始終有價。尤其係位處市區嘅物業，既四通八達又有發展潛力，論抗跌力亦都較強。