政情：公民講場：葉建源無阻止 變相縱容衝擊

港大校務委員會上月底舉行會議，維持決定「等埋首席副校」先任命港大學術、人事及資源副校長，事後觸發一批示威者佔領校委會同禁錮校委，港大校友關注組包括身為教協副會長葉建源等人，事後被親建制團體狠批有煽動學生行動之嫌。就喺港大校委會明日再次舉行會議前夕，「守護香港大學港大校友」聯署人宋恩榮出席電台時重提舊事，批評關注組當日不但無阻止，仲推波助瀾，葉建源則死撐推波助瀾唔係正確描述。其實如果當日翹埋雙手無出言阻止，又好難洗脫嫌疑，甚至畀人印象係默許示威者有關行動，葉建源身為教育界議員無理由唔明白呢個道理。