政情：航天員劉旺信有外星生物

劉旺又相信，喺宇宙中會有其他星球適合人類生存。但佢認為，地球仲係人類永遠嘅家園，因為「生於斯、長於斯」，人類嘅文明源於地球，又呼籲人類應該善待地球，否則人類未來唔知會喺邊度，因此提倡大家由小事做起，愛護地球，包括要減少拋垃圾、浪費食物及砍伐樹木。

曾兩次上太空嘅航天員聶海勝則提到於太空生活嘅點滴，透露航天食品都有多種選擇，例如蝦仁炒蛋、黑椒牛柳等，都係於地面煮好，再帶到太空加熱，所以航天員仍能食到熱菜、熱飯；至於如果要喺太空飲水嘅話，就要放喺專門容器，而航天員亦可選擇飲檸檬茶同葡萄汁。