膠袋無徵費 隔日檢控惹爭拗
膠袋徵費已全面實施，商戶除豁免貨品可免費提供膠袋外，一律要收取不少於五毫子的膠袋徵費，惟環境保護署派員到商舖放蛇，隔天才採取檢控行動，店主質疑非「人贓並獲」，卻苦無對質機會。環保署發言人死撐無問題，更強調相關職員亦可在有需要時作證人。立法會議員直斥「隔日檢控」程序不當，容易引起爭拗，要求檢討執法程序。
於美孚開設五金店的黃先生指出，早前有環保署職員到場指就其濫發膠袋提出檢控，職員只攜同事發當日購物發票及有關照片，而該名「放蛇」職員亦未有前來，令黃無法當面對質，「你問番我嗰日有冇收（膠袋稅），老實講我真係唔記得，如果即時檢控我，人贓並獲，完全冇得抵賴，但依家第二日先嚟畀告票我，咁你話咩都得o架！」
署方稱要花時間核實資料
黃只依稀記得，當日有「生面口」的人購買一包掛鈎，要求給予膠袋及收據，並以一張二十元紙幣付款，「只係買一包鈎，就算係個阿婆我都唔會畀膠袋，佢又生面口，又唔識佢，點會有錢都唔收（膠袋費）呢？」
黃已繳交罰款，但對於檢控程序大表質疑，認為檢控必須即時進行，「今次就第二日嚟，之後唔知會唔會突然又走嚟，話我幾個月前甚至一年前犯咗法要檢控我，真係佢講咩都得！」經此事後，黃即時重新印製收據，列明已收取膠袋的費用。
環保署發言人指，職員巡查零售商舖時，如發現商戶違規派發膠袋，在核實違規商戶資料後，便會向商戶發出定額罰款通知書。一般職員皆可當場或當日發出定額通知書，但個別情況可能需較多時間核實商戶資料或翻查紀錄，以致未能當日發出定額罰款通知書。
發言人又強調，如發現商戶違規派發膠袋會保留有關證物，相關職員亦可在需要時作證人，故毋須擔心商戶否認。而截至七月底，職員共巡查約二萬個零售點，並向違規商戶發出五十三張定額罰款告票。
議員指程序不當 盼先警告
立法會環境事務委員會委員陳恒鑌指出，在審理議案時期望環保署以先警告再檢控的形式執法，是次個案則是首次職員放蛇後翌日才再次到場發出告票，程序上明顯不當，亦容易發生爭拗，要求該署作出檢討，改善執法程序。
記者：林永發