公民講場:財爺偉論 玄「機」難參透

娛樂圈有個「金句王」黎明,官場則有個「爛gag王」財政司司長曾俊華。佢尋日又喺每周網誌中搞爛gag,形容自己每逢暑假都喺罪咎感下推出「紓困措施」,努力刨吓家裏積落嘅書。之後佢又引用美國知名神學家兼政治哲學家Reinhold Niebuhr嘅名言,強調做人最緊要有智慧分辨「能與不能」,對於自己有能力去改變嘅事就應敢於去做,對於冇能力改變嘅事就要勇於接受,否則我哋就會坐失良機,又或者枉費心機,好似好有道理咁,但又唔知佢實際講緊乜。最後佢仲筆鋒一轉,無喇喇講到「一帶一路」同香港嘅科技產業發展,搞到一眾花生友斷晒片。

第一手消息請下載on.cc東網iPhone/iPad/Android/Windows Phone Apps