政情：湯恩佳教女 最緊要有品
港大學生因衝擊校委會會議及禁錮校委事件搞到滿城風雨，學生遭受各界批評。不過，香港孔教學院院長湯恩佳就拒絕評論港大學生行為，只願講「湊仔經」，分享教導兩女一子嘅心得，莫非佢認為學生行為問題係因家長管教不善？
湯恩佳大女兒湯惠心，去年喺港大畢業，依家已經亭亭玉立，仲好乖咁返公司幫爸爸手。湯恩佳咁放心女兒，全因佢喺由女兒細細個已經不斷灌輸正確價值觀，仲成功將座右銘「三人行必有我師」洗咗女兒腦，所以湯惠心都話會虛心同努力咁學習他人長處，聽足爸爸話。
港大校訓成方針
湯恩佳指父母要樹立好榜樣，身教同言教同樣重要。佢又以港大校訓「明德格物」作為教導子女方針，先教好子女品格，再發展其他專長，否則子女好易會變成高分低能、無品嘅人！