染性病又墮胎 過來人回頭是岸
【本報訊】「如果有機會畀我從頭嚟過，我唔會援交」，今年踏入二十歲的小V（假名），十二歲開始吸毒，十四歲在朋友介紹下開始援交，一心只想賺錢買名牌。她初時在娛樂場所陪飲陪坐，一年後全身投入性工作，每日接客三至四個，每個收三千元，一日可賺過萬元。但風光背後換來極大代價，她曾染上梅毒，更曾墮胎，「依家諗返轉頭，一個袋，實用就得，唔使買名牌」。
小V跟其他少女一樣，參與援交為揾錢滿足吃喝玩樂和買名牌，「初時都係落夜場陪啲客飲酒、猜枚、唱歌，佢哋（客人）都會抽吓水，畀佢哋摸吓大髀，攬吓，錫吓」，之後會約出街及拖手，一步一步最後進行性交易。由於小V樣子稚嫩，又開朗活潑，深受一眾客人歡迎，當中大部分是中年男士，亦有黑社會人士。
勸少女勿參與 後悔一生
「嗰陣真係揾到好多錢，好多人一個月先搵到萬幾蚊，但我一日就搵到，真係好睇唔起人，出街只會搭的士」，至十七歲小V意外懷孕，其後到深圳墮胎，身體變得虛弱，之後更從客人身上感染梅毒，令子宮發炎，經常頭暈、疲倦，需要定時服藥，每年也要覆診。
直到十八歲那年，小V遇到現任男朋友，「無一個男人會鍾意自己嘅女朋友做援交！佢好介意！」結果小V決定離開這個行列，現任職美容師學徒，每月收入跟從前不能相比，但得到健康和快樂，「以前經常日夜顛倒，搞到身體好差，依家買一個袋，只需要幾百蚊，只要實用就得，唔需要買名牌」，她奉勸少女們切勿參與援交活動，否則會後悔一生。