柴灣：路牌歪斜 「砸落嚟實死人」
「個路牌斜到好似就嚟跌落嚟咁，後面又綁住個唔知咩牌，喺正個大廈門口隔籬，如果有一日抓唔實路面，砸落嚟實砸死人啦！」詹先生居於柴灣怡順街，早前發現有路牌傾斜，且被綑綁至另一疑為路牌上，擔心會導致途人受傷，「咁多人出出入入，點可以由得佢斜落去？」
路署接轉介已維修
路政署發言人證實，接獲轉介後已即時派員實地視察，發現有一「禁區終止」交通標誌出現傾側，然而並無發現有其他路牌被綁在牌柱上，已隨即安排承建商進行維修，相關工作亦已告完成。
詹先生指涉事路牌已修理妥當，惟對路政署未有發現另一鐵桿感到大惑不解，認為需與其他部門了解事件，「塊嘢望落似待用路牌，應該得政府部門先會整。有咩理由我見到，反而負責管理嘅路政又講唔出係咩事？」