少女墮樓亡父：佢好顧家
【本報訊】醉酒夜歸少女輕生，六旬父嘆失顧家女。十七歲少女周采欣前日在中環住所天台一躍而下，周父昨日獨自到殮房認屍後開腔，形容愛女「好顧家，好照顧個妹」，坦言：「我太太都冇鬧過個女……個晚我見佢飲得咁黐線呢，即醉得咁緊要呢，我都話咗佢一兩句。」惟女兒當時根本「控制唔到，衝出馬路，又大叫大喊」，回家途中未入家門便「一衝就衝咗上天台」，他目睹女兒爬出欄杆躍下，已來不及阻止。
六十一歲的周父憶述，前日凌晨采欣遲遲未歸家，他多次致電無人接聽，周擔心女兒安危，遂到屋企樓下尋女。未幾，他接到女兒朋友電話，指女兒飲到醉醺醺，走出馬路未能喊停，於是外出接女兒。他坦言，女兒少有夜歸，故作為父親特別緊張。他後來才知女兒電話無電故無法聯絡上，見她滿身酒氣，於是苦口婆心提點女兒，若晚歸，要事前知會家人。女兒聽到後沒有反應，返太榮樓住所途中，未進家門便直奔天台。
不知女兒有飲酒習慣
周父謂：「佢一衝就衝咗上天台，就因為佢飲醉酒，醉得好犀利。」他來不及阻止女兒爬出欄杆，目睹女兒墮樓，白頭人送黑頭人。周父大讚女兒顧家，平日有做兼職，替議員做問卷調查，賺取收入作生活費，並說：「佢好樂觀，好開朗，由小學到依家都係。」他續說，女兒未曾透露有不快，亦不清楚女兒有飲酒習慣，不諱言：「依家啲小朋友，佢有咩事都唔會同父母講嘅，最多同啲朋友及同學講。」周的親友在墮樓現場路祭，留下化寶盆及香燭。事發於前日凌晨五時許，周采欣夜蒲飲酒至酩酊大醉後，在住所天台跳樓身亡，母親得悉愛女跳樓後，赤腳追出，抱屍痛哭七分鐘。
