立法會議員葛珮帆（EQ）一向都係動物愛好者，佢就趁暑假休會期間，再次去咗非洲保育瀕危大象及犀牛，今次係應邀遠赴肯尼亞、坦桑尼亞及贊比亞考察及討論合作計劃。EQ一到埗就收到壞消息，肯尼亞Tsavo West國家公園巡邏隊，上月底發現五具大象屍體，頭面都被盜獵者斬去，以獲取最多象牙圖利。雖然大象被獵殺嚴重，但預料嚟緊嘅區議會選舉互相「廝殺」嘅情況都好激烈，無論有意參選或角逐連任嘅人都爭取時間落區曝光，莫非EQ唔怕被對手「剝牙」？
