政情：公民講場：校園政治化港大添「盧」氣

香港大學校務委員會尋日開例會討論副校長任命事宜，但近日港大學生會同部分校友就抗議校委會係親政府人士佔多，又質疑要等埋首席副校長上任後先處理副校長任命嘅做法，仲召集大批人士喺校委會開會時抗議。校委會成員盧寵茂就不滿外界將校委會貶為政治工具，認為咁樣係唔公開，校委會係有公信力，將校委會政治化只會推倒港大公信力，令港大出現管治危機，對港大冇好處喎。泛民主派成日都將民生議題政治化，依家校園問題又趨向政治化，學生行為又愈嚟愈激，真係唔知將來港大會變成一間咩嘅大學。