運輸及房屋局局長張炳良近年行衰運，轄下涉及「海陸空」嘅部門接連出事，特別係近期房屋署面對公屋「鉛水」風波都唔知點收科。唔知係咪張炳良嘅「霉氣」嚴重得滯，蔓延到食物及衞生局局長高永文身上，而且變種成「霉菌」添。繼瑪麗醫院發現病人感染霉菌而引起恐慌後，最新又到屯門醫院嘅肝酵素分析儀器數據出錯，搞到高永文都要為事件致歉及責成醫院管理局徹查事件，真係禍不單行。
