大埔多個屋苑 廁所水又黃又腥臭
【本報訊】大埔區多個屋苑廁所水近日突變黃及發出腥臭味，事件令人關注，水務署證實上周一起已接獲約四十宗投訴，正在跟進事件。居於大埔怡雅苑的朱先生指出，家中廁所水突然變黃，亦出現腥臭，「一直以來啲廁所水都好污糟，唔知點解近呢個星期仲嚴重咗，又臭又黃又多雜質，我問過好多住大埔嘅朋友，個個都話有同樣情況！」朱又指，多個居於大埔的朋友亦表示有相同情況，其中包括大元邨、太和邨及寶雅苑等等，認為事件絕不尋常，要求部門了解情況。
接40投訴 疑海水泵房水質變化
另一邊廂，家住太和邨的詹小姐亦指昨日起家中廁所水顏色亦出現異常，又指屋邨管理公司更張貼通告，指大埔區內多個屋苑亦有同類問題，水務署正於梅樹坑進行排水。詹認為當局應盡快向公眾交代事件，「既然佢哋知道成區都有咁嘅問題，點解唔主動向公眾公布？」
水務署發言人證實，由上周一（7月13日）起陸續接獲怡雅苑、大元邨、太和邨及寶雅苑一帶屋苑約四十個相關投訴，經調查後發現海水泵房抽出之海水水質有變化，故已即時停止有關泵房運作，並將疑有問題海水抽走，放入淡水以改善相關水質。至於水質變化之原因，發言人稱仍在調查中。