政情：今日你上鏡：偕女扮機師 陳恒鑌自爆畏高
立法會議員陳恒鑌（Ben）（圖右）轉行做機師？前日七一，Ben放低老西，同女兒（圖左）一齊着上山寨版飛機師制服同戴起黑超出席活動，cosplay（角色扮演）扮captain cool，寓意香港「十八歲」要夢想啟航，都幾有型喎！
不過，Ben自言有畏高，平時搭吓飛機冇所謂，但由細到大都冇諗過揸飛機，最好喺地面着制服扮吓嘢就夠喇。Ben又透露女兒近期最鍾意鞋，仲話大個想做售貨員賣鞋添，就算有得扮機師女兒都扁晒咀，皆因佢着起制服，先知原來機師冇得着裙，相信Ben係時候要學習明白少女心事喇。