太和：商場積水 途人易跣倒
地面濕滑容易跣倒途人！居於太和的黎小姐發現，太和廣場二期出口地面每逢雨天均有積水，途人需「浭水」而行，不滿領匯未有做好管理工作，「明明都仲係商場範圍，有瓦遮頭，點解一落雨就成地都係水？跣親邊個都唔好！」黎認為領匯可加派員工清掃地面積水，並加裝吹風機以保持地面乾爽。
領匯懶理 未作改善
領匯發言人表示，太和廣場二期出口近平台位置設有去水渠位，辦事處除定期清理去水渠外，亦有安排清潔承辦商於雨天時加強巡查及清理，確保去水正常。至於相關投訴數字，發言人則未有回應。「啱啱打完風日日落雨，啲積水都仲喺到，如果真係有派人清就唔會咁啦！」黎小姐發現積水情況仍未改善，要求領匯正視問題，以免令途人滑倒。