工聯會（工記）立法會議員陳婉嫻（嫻姐）縱橫政界咁多年，政治經驗同從政手腕都應該有番咁上下，但點知一個無證男童懷仔就搞到佢嘅政治老本一鋪清袋。嫻姐早前大鑼大鼓開記者會，企圖向入境處施壓，幫懷仔爭取居港權。咁高調，入境處自然無情講啦，最終懷仔要自願遣返。今次風波，嫻姐明顯被人「過一戙」，不僅成為眾矢之的，仲相信會影響工聯會喺未來兩場大選舉嘅選情。警訊都有教啦，幫人前要問清楚呀！
