有不少修讀資訊科技的大學畢業生，有感打工欠自由，未能充分發揮創意，寧願自組公司，希望賺到第一桶金。
八十後Billy，一三年在香港理工大學電腦系畢業，曾在電腦遊戲程式設計公司工作數個月後，認為難以適應公司的管理文化而辭職，「當時咁啱有幾個同學離開公司，又有自己idea想做，於是就一齊搞公司。」
Billy與七個同學組成一間網站及手機程式設計公司，成本只需數千元，「基本上IT嘅嘢，有電腦就得，office都唔係必要，只不過客人會對公司印象好啲。」他指，由於就讀大學時，已「儲到一批客」，故此生意尚算不錯，「自己開公司自由度大啲，收入目前嚟講都可觀，比得上出面打工。」
Billy坦言，現時大學的電腦課程過時，「嗰陣讀書教嘅開發套件，業界已經唔用，教啲嘢仲要係十至十五年前嘅嘢，iOS同Android 都只係提過吓，有心學就要自己上forum睇。」
他指出，現時社會對電腦保安員的需求大增，惟在大學課程中，電腦保安只屬於選修科目，並未有獨立成一門專業學科，「IT security好專業，如果要入行仲要額外再讀好多課程，而香港好多公司都唔會請冇經驗嘅人，好難入到行，所以都冇咩人揀嚟讀。」