泛民主派堅決反對政改「袋住先」，仲唔知以咩理據話「袋住先」等於「袋一世」，可能有特異功能預知未來都未定。曾經係民主黨（白鴿黨）「大腦」嘅創黨成員羅致光，前日就發信畀全體黨員，反駁「袋住先等於袋一世」嘅講法，認為無客觀基礎，亦唔需要嚇人「袋一世」，仲話就算「袋一世」都唔會「袋永世」喎，應該提出修訂建議，否則遲早都會死。其實好多老鴿以至泛民「老鬼」嘅年紀都有番咁上下，自覺可能「袋一世」都唔出奇，唔知羅致光係咪暗示泛民嘅子孫有機會享受改良咗嘅普選方案呢？
