政情：八網難逃：十優政助 「落區」教路撲名校

近日政府官員紛紛落區宣傳政改，希望得到市民支持，但原來落區嘅唔只局長，仲有局長政治助理。教育局局長吳克儉嘅政治助理施俊輝（Jeff）喺今個月二十四日亦都會「落區」，但本身係會考十優狀元嘅Jeff就唔係幫政府推銷政改，而係為政黨舉辦嘅小一名校攻略講座做演講嘉賓，題目就係「10A狀元分享成材之路」。喺政改鬧得熱烘烘之際，唔知Jeff又會唔會忍唔住呼籲參加講座嘅家長支持政改呢？