前年出席地區論壇時被雞蛋掟中嘅財政司司長曾俊華（鬍鬚曾），相信對雞蛋特別有感悟。佢尋日喺網誌講起日本作家村上春樹「雞蛋與高牆」嘅比喻喺近年廣泛被引用，令好多人覺得雞蛋代表普羅大眾，高牆代表政府，兩者好似有你無我咁。不過，佢話中學時期讀《愛麗斯夢遊仙境》，當中一隻只喜歡辯駁嘅雞蛋Humpty Dumpty，並唔係因為撞牆，而係喺牆頭上失足跌落而破爛，所以雞蛋同高牆都可以有好多唔同嘅關係，唔一定對立喎。
