剝褲醉娃瞓街 正直的哥守護

九十後醉娃除褲露底瞓花槽,幸遇正氣的士哥!一名中性打扮女子昨清晨在蘭桂坊劈酒後,帶醉乘的士返粉嶺,抵粉嶺住所時,她被司機喚醒後,突稱人有三急,落車脫褲就地解決,但因不勝酒力,穿回內褲便昏睡路邊花槽。的士司機雖感愕然,但因「做唔出掉低佢」而報警,並留守看顧女子。警員及救護員到場,附近商場的女保安員幫手將她拍醒。的士司機事後回應網民讚揚:「只係做好自己本分。」

僅穿內褲 終由女保安拍醒

出醜的醉娃姓卓(廿四歲),昨清晨五時許,她在中環蘭桂坊飲酒消遣後,帶有幾分醉意離開,並登上一輛由四十五歲司機「豪哥」駕駛之的士返粉嶺住所。的士抵達嘉福邨對開迴旋處,惟卓女疑不勝酒力,在後座呼呼入睡,豪哥嘗試喚醒她,但不成功。

正當他不知所措之際,卓女突然驚醒,但神志仍不清,她一邊呼喊「我要去廁所」,一邊打開車門,下車後即小解,穿回內褲未及穿回長褲便倒頭大睡,豪哥大感愕然,連忙下車並再叫喚卓女,但對方毫無反應,他恐遭誤會,但無計可施,只好報警求助。

消息指,卓女躺臥位置下的地面有一攤水漬,警員及救護員接報到場,輪流喚醒卓女,但卓女仍一動不動。警員在附近的嘉福商場找來一名女保安員,成功將卓女拍醒。卓女驚覺自己身處公眾地方,連忙穿好褲子及繳付二百多元的士車資,並表示毋須送院後自行離去。

事件引來大批網民熱議,有途人更拍下卓女「露底」醉臥花槽的醜態,指醉娃行為十分危險:「醉酒能令人醜態百出,勿多喝。」亦有人大讚接載卓女的司機為人正直,是一名「好心司機」,又認為卓女應慶幸自己「執番身彩喇,遇着好司機。」

豪哥:「無理由掂佢 報警囉」

司機豪哥憶述,卓女上車後便聲稱「好急」,於是載她到美利道的公廁解決,「佢當時仲算清醒,可以自己行去公廁,上番車之後,仲話不如畀咗車錢先」,但因路程尚遠,未知車資多少,豪哥着她抵埗後才付錢。詎料抵達後,卓女再度人有三急,甫下車便脫褲小解,「底褲都除埋!咪同佢講呢度唔去得喎」,勸她到別處解決,但她沒理會,豪哥感無奈,着她穿回內褲,「點知佢淨係着番底褲,就瞓着咗,再叫佢都冇應,佢又係女仔,無理由掂佢,咪報警囉。」

豪哥稱,之前已提醒最好有女警幫手,「點知得男警嚟,加埋男救護員,始終會尷尬嘛!」幸最後得女保安員協助。對於網民的讚揚,「豪哥」回應:「只係做好自己本分,做覺得啱嘅嘢,的士司機唔一定係差嘅。」

第一手消息請下載on.cc東網iPhone/iPad/Android/Windows Phone Apps