政情：公民講場：泛民戀棧權位長毛妄想總辭

民主黨立法會議員何俊仁揚言會考慮喺立法會否決政改方案前辭職發動變相公投，一向主張辭職發動變相公投以反映民意嘅立法會議員梁國雄（長毛），尋日接受電視台訪問時就被問到，辭職公投有結果之後泛民主派下一步應該點做。長毛就話︰「作為泛民，如果真民意改咗，同我嘅初衷唔同，我就會辭職唔做，因為已經代表唔到你！」故此如果公投輸咗，泛民一係即刻辭職，一係繼續做到換屆畀選民踢走，但長毛就形容後者係下策喎。睇怕只係長毛一廂情願，到時真係輸咗，泛民會唔會集體辭職都好難講喇，事關個個都戀棧權位，係辭就一早辭咗啦！