郵政失敗 議員促檢討發展方向
香港郵政經常「失信」於民，再加上科技日新月異，透過網絡輕易聯繫世界各地，加上速遞公司愈開愈多，令市民不再選擇郵政服務。立法會議員促請政府全面檢討郵政發展方向，並改善現有服務。
收費過高 打擊光顧意欲
本報在街頭訪問多名市民，均表示絕少使用香港郵政服務，大學生張小姐直指，由於科技發達，只會在節日透過香港郵政寄件給美國的朋友，但她認為郵費過高，打擊使用郵政服務意欲，「平時都係用email（電子郵件）同美國朋友聯絡，只會喺大節日寄嘢出去。」
而郭小姐亦少用郵政服務，直指「大件郵件都會考慮用速遞」。
「政府真係要正視問題，改善服務﹗」立法會議員王國興指，郵政改以營運基金運作後，難以有資源改善服務，令服務質素每況愈下，「政府要檢討香港郵政係唔係繼續要用呢個方法營運，咁落去郵政只會以利潤去計算，再不斷關閉郵局，好影響市民。」王又指，現時郵政以非合約公務員形式聘員工，亦打擊士氣，影響服務。