亞洲電視（亞視）不獲政府續牌，冰凍三呎，非一日之寒，但一直以來政府嘅監管角色似乎唔多明顯。不過，商務及經濟發展局局長蘇錦樑（Greg蘇）尋日清明節就出嚟做「花生友」，講風涼話踩多兩腳，話電視業界引入競爭後，廣播業將會蓬勃發展、充滿創意，根本毋須要有「亞洲CNN」，明寸亞視主要投資者王征曾揚言要將亞視打造成「亞洲CNN」。既然Greg蘇咁有遠見，點解當年做緊副局長嗰陣，又唔見佢出嚟發表呢番偉論呢？
