公民講場:管唔掂雞仔港府嘥公帑

民航處被揭豪花公帑將新總部大樓打造成「豪華娛樂城」,最近再被踢爆預留約三千呎場地開「太極班」,連民航處處長羅崇文妻子梁婉雅都有份參與,認真離譜。適逢立法會財務委員會特別會議尋日舉行,原本只係討論財經事務同公共財政範疇,泛民議員陳偉業(大舊)都忍唔住鬧爆羅崇文鍾意做乜就做乜,又擅自裝設超豪電視、超闊寫字樓兼超多享樂場地,批評政府「麻鷹管唔到,雞仔都管唔到」,任由公帑倒哂落鹹水海咁話,唔知身為羅崇文上司嘅運輸及房屋局局長張炳良,日後會否加強監察力度,睇得緊啲呢?