政情：今日你上鏡：想變大眼仔鄧家彪換幼框鏡

立法會勞工界議員鄧家彪（Bill）上任後打扮愈來愈老成，近日發現佢仲換咗副金屬幼框眼鏡，比之前粗框眼鏡又成熟咗，唔通街坊仲嫌佢唔夠老成？Bill就歸咎上任後成日對住電腦睇文件，雙眼加深咗百幾度近視，直逼一千三、四百度，惟有使成二千多元再配過副眼鏡。佢話，諗起唔少街坊向佢反映，成日喺電視上都睇唔到佢對眼，自嘲可能對眼太細，換番副幼框眼鏡等大家都睇清楚佢喎。其實因為佢深近視，厚鏡片望落令雙眼變細咗，所以應該揀個細啲嘅眼鏡框及配對特薄鏡片先有幫助。