安全島燈損毀 恐釀意外
「搭親穿梭巴士返屋企都見到個安全島燈傾側咗，成日都就甩就甩咁，條路平時好多車行，如果個安全島燈甩咗出嚟、啲車煞唔切掣就大件事啦！」大埔居民楊小姐發現達運路有安全島燈損毀，擔心一旦鬆脫將造成交通意外。
路署接投訴已修復
路政署發言人表示，接獲轉介後即時派員實地視察，確認該處安全島指示燈有損毀，隨即安排承建商進行維修，現時維修工作已完成。
楊小姐證實有關安全島燈已完成維修，「真係好快整好咗，同咗《東方日報》投訴果然有用！唔好以為一盞燈好小事就疏忽大意，意外往往就係咁樣發生」，但仍希望路政署能繼續跟進道路保養，確保各區設施維持良好狀態，保障行人、駕駛者及乘客安全。