籃球圈鬆脫 維修拖近月

籃球架損毀近月,波友缺場打波掃興。陳先生每日下班均會到葵涌運動場打籃球,發現場內其中一個籃球圈鬆脫,及後更被移除,惟事隔近月仍未見維修,「成個月前個架已經鬆鬆哋,之後仲成個框唔見咗,唔知係畀人拆咗定跌咗落嚟,但最緊要都係快啲整好畀人打波!」陳不滿事隔近月,康文署仍未維修,令市民無法使用。

康樂及文化事務署發言人表示,葵涌運動場內設有三個籃球場,職員於二月初巡視場地時,發現其中一個籃球場內的籃球框有鬆脫現象,隨即安排維修,籃球框已於早前更換並開放予市民使用。

「唔搵《東方》唔知幾時有得用」

「整緊又唔貼張紙出嚟通知人,仲要整咁耐都未整好,唔係搵《東方》都唔知幾時先有得用!」陳先生要求康文署日後應加快維修設施,並張貼通告通知市民。

第一手消息請下載on.cc東網iPhone/iPad/Android/Windows Phone Apps