政情：黃家和率仔女齊做車神
中華廠商聯合會常務會董黃家和（Simon）早兩日同兒子黃浩鈞（Howie）及女兒黃嘉卉共度一個好特別嘅「親子」活動，佢哋齊齊上惠州跟「飄移教父」施建民學飄移。三人由朝到晚特訓九個鐘，結果Simon表現最出色，獲施建民盛讚係佢教過年紀最大但最快上手嘅學徒。Simon就讚一對子女嘅飄移技術叻過佢，仲話計劃考慮成立「黃家軍」出賽喎！
大玩飄移
Howie話今次係爸爸主動提出建議，佢哋三人均係首次學玩，當日由朝早九點玩到傍晚六點，喺師傅帶領下，佢哋嘗試包括八字飄移、一百八十度急速過彎等技巧，夠晒新鮮刺激。Howie話，今次為期一日嘅訓練令佢過足車癮，仲可以提高駕駛技巧，日後揸車遇落雨或突發情況，都唔使再騰雞咁話。