全國人大委員長張德江尋日會見港區人大代表團時，點名批評香港有人鼓吹港獨同「城邦自決」，強調有關言論係違法同不能容忍。公民黨黨魁梁家傑回應時，斬釘截鐵咁話香港冇人搞港獨，反轟張德江嘅說法傷害港人感情。然而事實上，近年泛民每次搞大型遊行，都有人高舉龍獅旗鼓吹港獨或派發宣傳「城邦自決」嘅單張。就連梁家傑嘅黨友湯家驊，都公開承認香港的確係有少數人提倡港獨。唔知梁家傑係真正視力有問題，定係刻意對港獨問題視而不見，好似張德江所講咁「明知但假裝糊塗」呢？
