立法會議員葉劉淑儀年初二到車公廟，突被麒麟撞到整個人飛開，幸有在旁嘅鄉紳上前扶持，事後成為網上熱話。葉太尋日再次談及此事，反駁有「口痕友」指佢當時「唔識企位」，而係根本冇可能「揀位企」，又話就算呢隻麒麟冇撞到自己，相信亦可能會撞到其他鄉紳父老，自言如果可以代替鄉紳父老們捱咗一撞，亦未嘗唔係一件好事。葉太講到好似為鄉紳擋咗一劫，唔知鄉議局主席劉皇發等鄉紳會否心生感激，定係覺得有人只係一廂情願呢？
