食環署專車 巴士站違泊
「嗰度明明大大隻字寫住係巴士站，佢哋都係照樣泊喺度，搞到我哋要喺馬路度落車，係唔係政府車輛就有特權，鍾意點泊就點泊？」
李先生早前在乘搭巴士前往堅尼地城，發現有食環署小巴在巴士站範圍停泊，導致巴士無法埋站，「佢哋係咪諗住就算罰錢都係自己政府左袋交右袋，所以咁唔着緊，定係有心知法犯法？」
食環署發言人表示，過去兩年共接獲二十六宗轄下車輛違例停泊的投訴，而涉事車輛在事發時間接載職員執行職務，轉介後將跟進調查，倘發現有關司機違反交通規則，將按既定程序處理。
不過，李先生卻不滿食環署遲遲未能完成調查，又認為當局應增加培訓，加強職員意識，以免市民再受滋擾，「職員嘅一舉一動都代表緊個部門作風，食環署一日再唔睇緊啲，形象咪一日插水囉！」