政情：吳得掂祭祖 都掛住食嘢
有「吳得掂」之稱嘅教育局局長吳克儉，一講到外遊就生猛晒，尋日佢同傳媒團年時透露，早已計劃好趁農曆新年放大假，展開他的「為食大計」。吳得掂話大年初一要食媽咪煲嘅愛心皮蛋瘦肉粥，初二至初五就要返鄉下品嘗出名嘅野菜。
拜年重點：食媽媽愛心粥
愛食好嘢嘅吳得掂，向來對食物質素都好講究同好有要求，尋日搞嘅傳媒團年午宴都要選址中華廚藝學院。佢話已安排好農曆新年節目，首先喺年初一先向父母拜年，除咗拜年，另一個重點係要食媽媽親自煲嘅愛心皮蛋瘦肉粥，吳得掂仲強調：「我真係好鍾意食」。
吳得掂拜年翌日嘅節目又係咩呢？答案都係「食」。佢話農曆年初二至初五會返去內地鄉下恩平，祭祖尋根，跟住的話題都係食同歎，「咁多年都無返過鄉下，但聽聞嗰度的野菜好有營養，又可以享受吓溫泉」。