最近流感肆虐，好多人都需要化痰止咳，估唔到連政府都有呢個需要。話說尋日立法會辯論施政報告致謝議案，漁農界議員何俊賢（高佬賢）就話留意到好多議員都希望利用農地起樓，紓緩房屋需求，但佢擔心政府會因此對農地「起痰」，所以聯同業界幫政府「化痰」喎。如果高佬賢真係咁核突要用到「起痰」來形容政府覬覦農地起樓，咁睇嚟依家政府啖痰應該幾濃烈，相信唔係咁易化得開囉！
