政情：今日你上鏡：工總55歲生日派蛋撻

香港工業總會今年五十五歲生日，主席劉展灝、副主席鄭文聰及總裁蘇家碧尋日就公布一連串慶祝活動，要與民同樂。其中一項重點活動會喺五月五日於全港十二間蛋撻王分店，向市民大眾免費派發新鮮出爐蛋撻，活動暫時預定於當日傍晚五至七時在限定時間內進行。鄭文聰話，蛋撻係好多港人嘅至愛地道美食，有特色又有代表性，象徵工業唔一定只有銅銅鐵鐵，食物都可以係其中一種，非常貼近日常生活，唔一定硬磞磞喎！